राष्ट्रिय दलित नेर्टवर्क (RDN), नेपालको जुम्ला शाखा गठन

मानव अधिकार, सामाजिक न्याय र सुशासनका लागि कार्यरत राष्ट्रिय दलित नेर्टवर्क (RDN), नेपालको जुम्ला जिल्ला समिति गठन भएको छ । मिति २०६४ जेष्ठ २ गते सम्पन्न एक भेलाले तारासिंह सार्कीको अध्यक्षतामा ७ सदस्यीय समिति गठन गरेको छ ।

समितिको उपाध्यक्ष, सचिव र कोषाध्यक्षमा क्रमशः धन बहादुर परियार, देबी बि. के. र गंगा सार्की तथा सदस्यहरुमा राम सिंह सार्की, नरमा सार्की र गोरख बहादुर सार्कीलाई चयन गरिएको छ । सो भेलामा (RDN), नेपालका हुम्ला जिल्ला अध्यक्ष मेहेले पार्कीको उपस्थिति रहेको थियो । उक्त भेला सिंगो कर्ण्ााली अंचलको दलित आन्दोलनलाई सशक्त बनाउँदै संविधान सभा, राज्यको पुनर्संरचनामा कर्ण्ााली दलितहरुको आर्थिक, सामाजिक, राजनैतिक सवालको संवोधन हुनुपर्नेमा जोड दिईएको थियो ।

त्यसैगरी (RDN), नेपाल जिल्ला शाखा दाङ्गको मिति २०६४ जेष्ठ ७ गते बसेको बैठकले दाङ्ग जिल्लाका सम्पर्ूण्ा गाविसहरुमा पैदल यात्रा गर्ने निधो गरेको छ । उक्त यात्रामा संविधान सभामा दलितहरुको सहभागिताको विषयमा जनस्तरमा व्यापक छलफल चलाउने निधो गरेको छ । उक्त कार्यक्रम सम्पन्न गर्न ४ वटा समितिहरु गठन गरिएको छ जसको नेतृत्व (RDN), नेपालका क्षेत्रीय एक्टीभिष्ट अनन्त यात्री बि.क.ले गर्ने भएका छन् ।

- गणेश बि. के.
अध्यक्ष तथा दलित एक्टीभिष्ट
राष्ट्रिय दलित नेर्टवर्क (RDN), नेपाल