दलित धर्नामा हस्तक्षेपको विरोध

काठमाडौं । संविधानसभामा दलितहरूको पूण समानुपातिक प्रतिनिधित्व हुनुपर्ने माग सहित सिंहदरबार दक्षिणढोकामा धर्ना दिइरहेकै बेला गत बुधबार पक्राउ परी रिहा भएका दलित नागरिक आन्दोलनका अगुवा तथा दलित अधिकारवादीहरूले २८ गते माइतीघर मण्डलामा विरोध धर्ना सम्पन्न गरेका छन् । सदियौंदेखि राज्यद्वारा राजनैतिक, आर्थिक, सामाजिक-सांस्कृतिक तवरले उत्पीडन, दमन र शोषणमा पारिएका दलितहरूको शान्तिपूण् धर्नामा नै यस्तो अमानवीय घटना व्यहोर्नु परेको छ । ’ राज्यद्वारा गरिएको उक्त ज्यादतीको विरोध तथा धर्ना कार्यक्रममा बोल्दै नेपाल राष्ट्रिय दलित मुक्ति संगठनका केन्द्रीय सचिव राजकुमार हिङमाङले नेपाली दलितका माग र भावनाहरूलाई पूरा गराउनका लागि एकताबद्ध भएर क्रान्तिकारी भूमिका निर्वाह गर्नु आवश्यक छ भन्नुभयो । हिन्दू सामन्तवादको नाइके राजतन्त्रलाई समुल अन्त्य गर्नु आजको आवश्यकता भएको बताउ“दै उहा“ले पूण् समानुपातिक समावेशी निर्वाचन प्रणालीमा दलित आरक्षण अधिकारको मागलाई बुलन्द पारेर अगाडि बढ्नु पर्नेमा जोड दिनुभयो ।

त्यस क्रममा विधायक पद्मलाल विश्वकर्माले दलितहरू शान्तिपूण् रूपमा आन्दोलनमा उत्रेका बेला कुनै पनि शक्तिले ज्यादती गर्न लागेमा त्यसको कडा प्रतिवादमा उत्रने बताउनुभयो । उहा“ले दलितहरूमाथि गरिने छुवाछूत जस्तो कलंकलाई सामाजिक अपराध घोषणा गरी त्यस्ता कार्य गर्ने जो कोहीलाई सजायको भागीदार बनाउन सरकारस“ग माग गर्नुभयो । त्यसै क्रममा दलित नागरिक आन्दोलनका अगुवा विनोद पहाडीले अविलम्ब संविधानको तेस्रो संशोधन गरी दलितका मागलाई सम्बोधन गर्न आठ राजनीतिक दलहरूस“ग आग्रह गर्नुभयो । आफूहरूले फेरि पनि देशमा रगत बगोस् भन्ने नसोचेको बताउ“दै उहा“ले दलितका जायज मागलाई सरकारले सम्बोधन गरेन भने अझ कडा कार्यक्रमका साथ सडकमा आउने चेतावनी दिनुभयो । सयौं संख्यामा दलितको उपस्थिति रहेको उक्त धर्नामा दलित नागरिक आन्दोलनका अगुवा वीरबहादुर विश्वकर्माले सबै दलितलाई सम्मानित दलित बनाउन दलितहरू एकजुट हुनुपर्ने बताउनुभयो । सोही अवसरमा नेपाल राष्ट्रिय दलित मुक्ति संगठन, केन्द्रीय समितिले एक विज्ञप्ति जारी गरी शान्तिपूण् आन्दोलनमा उत्रेका दलित नागरिकमाथि प्रशासनले हस्तक्षेप गरेको कार्यलाई अलोकतान्त्रिक भनेको छ । सरकारी ज्यादतीको भर्त्सना गर्दै दलित नागरिक आन्दोलनलाई अझ सशक्त पार्न संगठनको ऐक्यबद्धता समेत रहेको विज्ञप्तिमा जनाइएको छ ।

त्यसैगरी नेपाल स्वतन्त्र दलित विद्यार्थी संगठन केन्द्रीय समितिले पनि प्रेस विज्ञप्ति जारी गरी दलित नागरिक आन्दोलनमा प्रशासनको हस्तक्षेपप्रति घोर भत्र्सना गरेको छ । संगठनले दलित हकहित र अधिकार प्राप्त गर्नका निम्ति सम्पूण् राजनैतिक दलित संगठनहरू, आम उत्पीडित वर्गसमुदायहरू, दलित नागरिक समाज, दलित विद्यार्थी संगठनहरू एकताबद्ध भएर आ“धिबेहरीयुक्त आन्दोलनको सृष्टि गर्न अपील गरेको छ ।

Source: Jana Ekata Weekly, वर्ष: 13 अंक. 3 मिति: २०६४ साल असार ३२ गते सोमबार