दलित मोर्चाको कैलाली जिल्ला सम्मेलन भव्यताका सम्पन्न

टिकापुर, कैलाली पौष ३ गते- “गणतन्त्र र पूण् समानुपातिक निर्वाचन प्रणालीको पक्षमा हाम्रो आन्दोलन राज्यका सम्पूण् अङ्गहरूमा दलितलाई विशेषाधिकारका लागि प्रथम जिल्ला सम्मेलन” भन्ने मूल नारा र नयाँ प्रतिबद्धताका साथ यही पौष ३ गते नेपाल दलित मुक्ति मोर्चा (एकीकृत), कैलालीको प्रथम जिल्ला सम्मेलन भव्यताका साथ सम्पन्न भएको छ ।

जिल्ला सम्मेलनको उद्घाटन पौष २ गते नेपाल दलित मुक्ति मोर्चा (एकीकृत) का केन्द्रीय उपाध्यक्ष तथा सम्मेलनका प्रमुख अतिथि क. डम्वरबहादुर विश्वकर्माले गर्नुभएको थियो । सम्मेलनको उद्घाटन पश्चातको विशाल जनसमुदायलाई सम्बोधन गर्दै उपाध्यक्ष क. डम्बरबहादुर विश्वकर्माले नेपाली समाजमा विद्यमान जातपात-छुवाछूत जस्तो असाध्यै निकृष्ट प्रथाको उत्पीडन खेप्न बाध्य बनाइएका मुलुकका एक चौथाई हिस्सा दलितहरूको समस्या सामाजिक समस्या मात्र नभई त्यो सँगसँगै आर्थिक, सामाजिक, राजनैतिक तथा सबै क्षेत्रमा उत्पीडन खेप्न परिरहेको कुरा बताउनुभयो । सुदूरपश्चिममा अधिकांश दलितहरू हलीया, खली, डोली तथा प्रथै प्रथाका मारमा सामन्ती राज्यसत्ताको दास जीवन जीउन बाध्य भएको चर्चा गर्दै सुदूर पश्चिमका दलितहरूलाई राज्यसत्तामा सहभागी नगर्राईकन समस्याको समाधान नहुने कुरा बताउनुभयो । उहाँले राज्यसत्तामा दलितहरूको सहभागिताका लागि समानुपातिक निर्वाचन प्रणाली अबलम्बन गर्न र दलितहरूलाई विशेषाधिकार लागू गर्नमा जोड दिनुभयो । नेपाली समाजको मुख्य बाधक राजतन्त्र रहेको र त्यसको समुल नष्ट गर्न संविधानसभा निर्वाचन अगाडि नै राजतन्त्रको समूल नष्ट गर्न र गणतन्त्र घोषणाको अपरिहार्यताको बारेमा प्रष्ट पार्नुभएको थियो ।

टिकापुरको खल्लामञ्चमा हजारौंको संख्यामा रहेको दलित समुदायको विशाल सहभागीतालाई सम्बोधन गर्दै उपाध्यक्ष विश्वकर्माले ०६२/६३ को ऐतिहासिक जनआन्दोलनको मर्म र भावनालाई कदर गर्न र मुख्यतः नेपाली काङ्ग्रेस देश र जनताको अग्रगमन र परिवर्तनको बाधक नबन्न चेतावनी दिनुभयो ।

विशेष अतिथिको रुपमा बोल्दै नेकपा (माओवादी) थारू राज्य समितिका सदस्य क. श्रवणले दश बर्षो महान् जनयुद्धमा सुदूपश्चिमका दलितहरूको भूमिकाको बारेमा चर्चा गर्दै महान् जनयुद्धले नेपाली जनतालाई व्रि्रोह गर्न र आफ्नो अधिकार खोसेर लिन सक्ने बनाएको चर्चा गर्दै किसान आन्दोलनका नेता भिमदत्त पन्तको पालाको किसान संर्घष देखि, विभिन्न स्वतन्त्रता र प्रजातान्त्रिक आन्दोलन, महान् जनयुद्ध तथा ऐतिहासिक जनआन्दोलनमा समेत दलित समुदायको योगदानको बारेमा चर्चा गर्नुभयो । नेकपा (माओवादी) का जिल्ला सेक्रेटरी क. उत्सवले साम्राज्यवादी दलालहरूले सुदूरपश्चिमका दलितहरूको उत्पीडन र शोषणलाई व्यापारिक थलो बनाएको चर्चा गर्दै ऐतिहासिक श्रमजीवी, सीप र कलाका पारखी दलित एन.जि.ओ./ आईं.एन.जि.ओ.को दुश्चक्रमा नपर्न खबरदारी गर्नुभयो । जनमुक्ति सेनाका बटालियन कमाण्डर क. नन्दराम बि.क.(हेमन्त), अखिल नेपाल कर्मचारी संगठनका केन्द्रीय सदस्य ललित बि.क., अखिल नेपाल शिक्षक संगठनका जिल्ला अध्यक्ष क सुरेश न्यौपाने, नेपाल दलित मुक्ति मोर्चा-एकीकृत)का केन्द्रीय सदस्य दानबहादुर बिश्वकर्मा, नेपाली काङ्ग्रेसका प्रतिनिधि पदम टमाटालगायतले सम्मेलन सफलताको लागि शुभकामना दिनुभएको थियो । त्यस्तै, कैलाली टिकापुरको खुल्लामञ्चमा विभिन्न झाँकी, जुलुस, सहितका सुदूरपश्चिमका संस्कृति झल्काउने देउडा नाँच, हुड्के नाँच, छलिया नाँच सहित दलित समुदायका परम्परागत बाजागाजा सहित साँस्कृतिक झाँकीहरू समेत प्रदर्शन गरिएको थियो ।

धनबहादुर बि.क.को सभापतित्वमा सम्पन्न उक्त उद्घटन समारोहको सञ्चालन नरेश नेपालीले गर्नुभएको थियो भने स्वागत मन्तव्य क. प्रेम बि.सी.ले गर्नुभएको थियो ।

पौष ३ गते भएको मोर्चाको सम्मेलनको बन्द सत्रले धनबहादुर बि.क.को अध्यक्षतामा ३० सदस्यीय कैलाली जिल्ला समितिको निर्वाचित गरेको छ । जसमा उपाध्यक्ष प्रेमबहादुर बि.क., सचिव भक्त सि.के., सहसचिव हर्कबहादुर नेपाली कोषाध्यक्ष रणसिंह बि.क. हुनुहुन्छ । सम्मेलनले ५ जना महिलासहित २५ जना सदस्यहहरू निर्वाचित गरेको छ । त्यसैगरी बन्द सत्रले ९ जनाको मोर्चा जिल्ला सल्लाहकार समिति समेत गठन गरेको छ।

रिपोर्टकर्ताः
विनय, कार्यालय सचिव, नेपाल दलित मुक्ति मोर्चा (एकीकृत)
केन्द्रीय कार्यालय, काश्वटेश्वर, काठमाण्डौं।