दलित आन्दोलनका नेता टीकाराम पार्कीको निधन

Dhangadhi, Feb. 8- Senior Dalit leader Tikaram Parki from Far Western Region of Nepal passed away in Dhangadhi at the age of 87. He had led or was part of many struggles of Dalits against the acts of inhumane caste discrimination than four decades. The nepaldalitinfo pays respectful tribute to Late Parki.

सुदुरपश्चिमको दलित आन्दोलनका नेता तथा अगुवा टीकाराम पार्कीको ८७ बर्षो उमेरमा धनगढी नगरपालिका वडा नं. ९ र्घुइयाघाटमा आफनै निवासमा माघ २३ गतेका दिन असामयिक निधन भएको छ । उहाँ लामो समय देखि दमको विरामी हुनुहुन्थ्यो ।

सुदूर पश्चिमको जर्जर छुवाछूतको विरुद्ध वहाँ क्रियाशिल भई २०१७ साल जस्तो कठिनतम दिनहरुमा जातिय छुवाछूतको विरुद्ध डोटीको शैलेश्वरीमा आफू र आफ्नो समुदायको हक खोज्नु भयो । २०१८ सालमा डोटीमा सार्की समुदायद्धारा गरिएको सिनो बहिस्कार अभियानको अगुवाई, २०२० सालको मुलकी ऐन लागू भए पश्चात शंक फुकेर औपचारिक पूजापाठ र मुलुकी ऐनका वारे दलित बस्तीमा प्रचार प्रसार गर्नुभयो । दलित नेता हिरालाल विश्वकर्माको नेतृत्वमा रहेको अति पिछडा जाती तोड संघको २०२४ मा कैलाली जिल्ला अध्यक्ष र केन्द्रीय उपाध्यक्ष समेत रहनुभयो । २०२८ देखि २०४५ सालसम्म जनपक्षिय उम्मेदारको रुपमा धनगढी नगर पञ्चायतको वडा सदस्यमा निर्वाचित हुनुभयो । २०३६ सालमा कैलालीको गोदावरीमा शंकफुक आन्दोलनको नेतृत्व गर्नुभयो । दलित नेता टि.आर. विश्वकर्माको नेतृत्वमा गठित नेपाल राष्ट्रिय दलित जन विकास परिषदको सेति अंचल सभापति र केन्द्रीय उपाध्यक्ष रहनु भयो । २०३९ सालमा स्थानीय चन्दादातावाट चन्दा उर्ठाई दलितहरुवाट श्रमदान गर्राई धनगढीमा दलित भवन निर्माण, २०४२ सालमा डोटीमा र २०४५ सालमा दशैंको अवसरमा स्वर्गिय राजा विरेन्द्र संग दलितका समस्यावारे अवगत गराउनु भएको थियो ।

दलित भित्रको आन्तरिक छुवाछूतको अन्त्य गर्न २०४६ मा संर्घष्का कार्यक्रम शुरुवात गरी आफ्नो छोरीको विवाहमा दमाई जातिको व्यक्तिलाई पूजापाठ गराएको, २०४६ सालको जनआन्दोलनमा सक्रिय सहभागिताका साथै दलितहरुको नेतृत्व गरेको र सो कार्य निरन्तर गर्दै आउनु भएको थियो ।

दलित आन्दोलनका योद्धा टिकाराम पार्की विभिन्न सम्मान तथा पुरस्कारवाट पनि सम्मानित हुनुहुन्थ्यो । राष्ट्रिय दलित नेर्टवर्क (RDN) नेपालले बरिष्ट दलित योद्धा घोषणा गरी टिकाराम पार्की मानव मर्यादा पुरस्कारको स्थापना, नेपाल जातीय मुक्ति समाज केन्द्रीय समितिद्धारा राष्ट्रिय सम्मान तथा नगद पुरस्कार, जिविस कैलालीद्धारा २०५८ मा कदर पत्र प्रदान, राष्ट्रिय दलित आयोगद्धारा दलित आन्दोलनका योद्धाको रुपमा राष्ट्रिय सम्मान प्रदान, जन उत्थान प्रतिष्ठानद्धारा जनउत्थान राष्ट्रिय पुरस्कार रु. २०,०००।- नगद, कदर पत्रद्धारा सम्मानीत गरिएको थियो ।

दलित योद्धा टिकाराम पार्कीको पार्थिब शरिरमा नेकपा एमालेका कैलाली जिल्ला सचिव दिपक प्रसाद देवकोटाले नेकपा एमालेको झण्डा ओडाउनु भएको थियो भने दलित नेता रविन्द्र सिंह गहतराजले राष्ट्रिय दलित नेर्टवर्क (RDN) नेपालको झण्डा ओडाउदै भावण श्रद्धान्जली व्यक्त गर्नुभएको थियो साथै दलित नेता प्रेम वि.क, मनिराम देवल, गोपाल पार्की लगायत दलित संघ/संस्थाका प्रतिनिधि र सयौं मानिसहरुले उहाँको पार्थिब शरिरमा अन्तिम श्रद्धान्जली दिनु भएको थियो र राष्ट्रिय दलित नेर्टवर्क (RDN) नेपालले उक्त दिन आफ्ना सवै जिल्ला शाखाहरु एक दिनका लागि बन्द गरेको थियो ।

दलित योद्धा टीकाराम पार्कीले दलित समुदाय प्रति देखाएको मार्गको अबलम्बन गर्न सम्पूण दलित समुदायमा अनुरोध गरिन्छ ।

जवाल सिंह तिरुवा
सचिव, जिल्ला शाखा कैलाली